«Հայտարարագրով կներկայացնեմ, թե որքան կանխավճար եմ տվել, որ բանկից եմ ձեռք բերել վարկը, այդ կանխավճարն ինչի արդյունքում է գոյացել, այդքան աշխատավարձ ստանում եմ, թե՝ ոչ, ամեն ինչը կհրապարակեմ»,- ուղիղ տասն օր առաջ՝ մարտի 15-ին, Ազգային ժողովում լրագրողների հետ զրույցի ժամանակ պաշտպանության նախարար Սուրեն Պապիկյանը վստահեցնում էր, թե «կոպեկ առ կոպեկ» կներակայցնի՝ ինչ միջոցների հաշվին է կարողացել նորակառույց թաղմասի նորակառույց շենքում 165 քմ տարածքով բնակարան ձեռք բերել:
Պաշտպանության նախարարի բնակարանի ոդիսականի մասին մամուլը մոտ երկու շաբաթ առաջ էր բարձրաձայնել, ինչից հետո վարչապետ Նիկոլ Փաշինյանը, վերջերս կայացած մամուլի ասուլիսի ժամանակ, հայտարարել էր, թե այդ գործարքի մեջ հարցեր առաջացնող որեւէ բան չկա, ու ՀՀ որեւէ քաղաքացի էլ հեշտությամբ կարող է օգտվել եկամտահարկի վերադարձի ծրագրից ու բնակարան ձեռք բերել: Պապիկյանն էլ վստահեցրել էր՝ հրապարակել բոլոր թվերն ու ծախսերը՝ հանրության համար կասկածելի թվացող մութ կետերը վերացնելու համար:
Նրա հայատարարությունից 10 օր հետո, սակայն, Պապիկյանը ոչ մի թիվ, հաշվետվություն ու փաստաթուղթ չի հրապարկել, իսկ դա վկայություն է այն բանի, որ նա կա՛մ մոլորվել է թղթերի, թվերի ու հաշվետվությունների մեջ, կա՛մ կորցրել է դրանք, կա՛մ էլ, իսկապես, Ջերմուկի՝ ՔՊ-ական համայնքապետի հոր կողմից կառուցապատվող շենքում ձեռք բերած բնակարանի պատմության մեջ, այնուամենայնիվ, մութ կետեր կան:
ՍԵՎԱԿ ՎԱՐԴՈՒՄՅԱՆ
