Հանրապետական պատգամավոր Լեւոն Մարտիրոսյանը անցած հինգշաբթի օրը 1in.am-ին տված հարցազրույցում հայտարարել է, թե ինքը չի ժխտում, որ ԼՂՀ-ի շրջակա որոշ ազատագրված տարածքները կհանձնվեն Ադրբեջանին: Ավելի բառացիՙ Մարտիրոսյանն ասել է. «Ես չեմ ժխտում, որ ԼՂՀ շրջակա որոշ ազատագրված տարածքներ կհանձնվեն Ադրբեջանին»: Ճիշտ է, Մարտիրոսյանը նաեւ ընդգծել է, որ դա չի նշանակում, որ հենց այդպես պետք է լինի, որ ի վերջո բանակցությունների սեղանին կարող է հազար ու մի փաստաթուղթ լինի, բայց կարեւորն այն է, թե վերջում այդ սեղանին ինչ փաստաթուղթ է մնում:
Քանի այդ վերջը չի եկել, ՀՀ ԱԺ ՀՀԿ խմբակցության պատգամավոր Մարտիրոսյանին տեղեկացնենք, որ ԼՂՀ շրջակա որոշ ազատագրված տարածքներում ապրում են շատ մարդիկ, իսկ որոշ տարածքներում էլ` քիչ մարդիկ: Բայց սա կարեւոր չէ, կարեւորն այն է, որ ԼՂՀ շրջակա բոլոր տարածքներում մարդիկ են ապրում… Իսկ ո՞վ էր ասում, որ ԼՂ հակամարտությունը պետք է լուծվի ժողովուրդների ինքնորոշման իրավունքի վրա հիմնվելով…
