Մարտի 14-ից 20 Նյու Յորքում անցկացված «Հասարակական հնչեղության» ֆիլմերի փառատոնում (հիմնադիր եւ գեղարվեստական ղեկավարՙ Նորա Արմանի) 2 կարեւոր մրցանակների է արժանացել եգիպտացի ռեժիսոր Մոհամեդ Հանաֆիի «Ով է սպանել հայերին» ֆիլմըՙ նվիրված հայոց ցեղասպանությանը: «Վանյա Էքսերջյան» հատուկ մրցանակը տրվել է լրագրող-հաղորդավարուհի Միրյամ Զաքիինՙ ֆիլմում իր կատարած աշխատանքի համար: Ֆիլմը շահել է նաեւ հանդիսատեսի կողմից տրվող մրցանակը: Ցեղասպանության մասին արաբերենով պատմող այս ֆիլմում, որը մեծաքանակ հանդիսատես էր հավաքել, ներկայացված են Հայաստանում, Եգիպտոսում եւ Լիբանանում նկարահանված տեսարաններ, ականատեսների վկայություններ, արխիվային նյութեր:
Փառատոնի մասին մանրամասն կարելի է կարդալ այստեղՙ www.ratedsrfilms.org
Նկար 1. Միրյամ Զաքին, Նորա Արմանին եւ մրացանակը հանձնած Ռուշիրան
