Հաստատվում է տարեսկզբին Վատիկանի խոսնակ հայր Ֆեդերիկո Լոմբարդիի հաղորդած տեղեկությունը, թե ընթացիկ տարում Ֆրանցիսկոս պապը կայցելի Հայաստան, եթե առողջական վիճակը թույլատրի: Արդարեւ, Կաթոլիկ եկեղեցու հովվապետը Մայր աթոռ Սբ. Էջմիածնի հյուրը կլինի առաջիկա հունիսին, տեղեկացնում է մեր աղբյուրը Մ. Նահանգներից: Նույն աղբյուրը ավելացնում է, որ դեռեւս հայտնի չէ Պապի ժամանման ճիշտ թվականը, որը կհայտարարվի առաջիկայումՙ Մայր աթոռ-Վատիկան միացյալ հաղորդագրությամբ: Իրականանալու պարագայում պապական այդ այցը կլինի պատմության ընթացքում երկրորդը, 15 տարվա ընդմիջումից հետո: Հիշեցնենք, որ 2001 թ.ին Հայաստան էր եկել Հռոմի երջանկահիշատակ, այժմ սրբացյալ Սուրբ Հովհաննես Պողոս 2-րդ պապը եւ պատարագել այդ հատուկ առիթով Մայր աթոռ Սբ. Էջմիածնում կառուցված բացօթյա խորանի վրա: Բոլորս ենք հիշում անցյալ տարի, ապրիլի 11-ին, Հռոմի Սբ. Պետրոս տաճարում Ֆրանցիսկոս պապի մատուցած պատարագն ու հայտարարությունը Մեծ եղեռնի 100-ամյա տարելիցի առթիվ, որը մեծագույն տպավորություն գործեց ողջ աշխարհի վրա, բացի Թուրքիայից, որը Վատիկանից հետ կանչեց իր դեսպանինՙ որպես բողոքի նշան:
Վերջին լուրեր
Վեհափառն ընդունել է Հունաստանի հայոց թեմի և Կրետեի ուխտավորներին
Նոյեմբերի 2-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց Հունաստանի հայոց թեմի թեմական կառույցների ներկայացուցիչներին և Կրետեի...
Կարդալ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական