Lenta.ru կայքը, վկայակոչելով Արաբական Միացյալ Էմիրությունների վարչապետ Մուհամեդ ալ-Մաքթումի Twitter-ի էջը, տեղեկացնում է, որ կառավարական Էմիրություններում նոր պաշտոններ կստեղծվեն: Այսպես, արաբական այդ երկրի կառավարությունում կստեղծվեն երկու նոր նախարարություններՙ երջանկության եւ հավատի հարցերով հանդուրժողականության: Նշվում է, որ երջանկության նախարարը հասարակությանն ավելի երջանիկ կդարձնի բոլոր պետական ծրագրերն ի մի բերելով, իսկ հանդուրժողականության նախարարը հավատի հարցերով հանդուրժողականությունը կդարձնի էմիրաթական հասարակության գլխավոր արժեքը:
Հաշվի առնելով, որ մեր կառավարությունում եւս անհանգիստ ու խառը ժամանակներն են, եւ բացի այդ մեր հասարակությունը եւս երջանիկ դառնալու խնդիր ունի, առաջարկում ենք մեզ մոտ էլ ստեղծել երջանկության նախարարություն, նախարարի պաշտոնն էլ ընդմիշտ հանձնել մոսկվաբնակ երգչուհի Մարգարիտա Պոզոյանին, որովհետեւ վերջինս վերջերս հայտարարել է, որ ինքն ամենաերջանիկ մարդն է աշխարհում:
