ՊՐԱՀԱ- Հունիսի 23-ին Չեխիայի նախագահ Միլոշ Զեմանը պատասխանելով մեր հարցին, կրկին հավաստեց, որ երեկ ընդունել է խորհրդարանի Պատգամավորների պալատի նախագահ Յան Համաչեկին եւ խորհուրդ է տվել Պատգամավորների պալատին, որպեսզի Հայոց ցեղասպանությունը դատապարտող բանաձեւ քննարկեն: Նախագահը նշեց, որ իր տեսակետը Հայոց ցեղասպանության մասին նոր չէ, այն երկու տարի առաջ էլ է հայտնել: Պարոն Համաչեկին ասել է, որ պատգամավորների պալատի արտաքին հարաբերությունների կոմիտեն արդեն իսկ նման բանաձեւ ընդունել է, եւ հերթը պատգամավորներինն է: Նախագահը նաեւ ավելացրեց. «Հատկապես ըստ անցկացված հարցումների, չեխերի 96 տոկոսը կողմ է Հայոց ցեղասպանության ճանաչմանը, ինչն ուղղակի անհավատալի է»: Միլոշ Զեմանն անդրադարձավ նաեւ Հայաստան կատարած այցին, եւ նշեց, որ Հայաստանի ու Ադրբեջանի ղեկավարները ուժեղ անհատներ են եւ նրանց հրավիրել է Պրահա բանակցելու, ինչպես 2002-2005 թվականներին: Հայաստանի նախագահն իր համաձայնությունը տվել է, Ադրբեջանի նախագահի հետ դեռեւս չի հանդիպել:
Վերջին լուրեր
Բոլոր ոլորտներում կիսատ-պռատություն է. մենակ շատ լավ շոուներ եք կազմակերպում՝ հեծանիվ քշել, տոլմա փաթաթել, րիլզերով ուրախանալ. Աբգարյան
Ես հասկանում եմ, որ 2020 թվականի պատերազմը արդեն բոլորը փաթեթավորել եք, եղել, անցել, գնացել է, արդեն կարող ենք հեծանիվ քշենք,...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական