2016-ի օգոստոսին բանկային համակարգով ֆիզիկական անձանց կողմից դրամական փոխանցումները Հայաստան կազմել են 146 մլն 294 հազար դոլար: Կենտրոնական բանկի հրապարակած տեղեկատվության համաձայն, նախորդ տարվա` 2015 թ-ի օգոստոսի 159 մլն 779 հազար դոլարի համեմատ այս ցուցանիշը նվազել է մոտ 13 մլն դոլարով, բայց նախորդ ամսվաՙ հուլիսի 155 մլն 595 հազար դոլարի համեմատ ներհոսքը փոքր ինչՙ մոտ 700 հազար դոլարով ավելացել է:
Ռուսաստանից դրամական փոխանցումները Հայաստան 2016-ի օգոստոսին կազմել են 100 մլն 776 հազար դոլար` նախորդ 2016-ի օգոստոսի 92 մլն 811 հազար դոլարի դիմաց աճելով մոտ 8 մլն դոլարով: Նախորդ ամսվաՙ հուլիսի 95 մլն 998 հազար դոլարի համեմատ էլ դրամական փոխանցումները Ռուսաստանից ավելացել են մոտ 5 մլն դոլարով:
Դրամական զուտ ներհոսքը Ռուսաստանից դեպի Հայաստան նույնպես աճել է: Այն կազմել է 78 մլն 449 հազար դոլար անցյալ տարվա օգոստոսի 71 մլն 282 հազար դոլարի փոխարեն: Աճըՙ մոտ 7 մլն դոլար: Նախորդող ամսվաՙ հուլիսի 73 մլն 48 հազար դոլարի համեմատ էլ աճը կազմել է 5 մլն դոլար:
