ԵՄ նախագահՙ ի հեճուկս հայրենի Լեհաստանի կառավարության
Երեկ առավոտից ԵՄ երկրների ղեկավարների կարծիքն էին ճշտում Բրյուսելում լրագրողներըՙ կո՞ղմ եք Տուսկի վերընտրմանը: Բոլորը միակարծիք էին, որ Եվրոխորհրդի նախագահի պաշտոնում հենց 59-ամյա լեհ գործիչը վերընտրվի: «Սկզբունքի հարց է, մենք դեմ ենք», Լեհաստանի կառավարության կարծիքն է, որ միակը եղավՙ դատելով 28 քվեից 27 կողմ ձայների հարաբերակցությունից: Տուսկը եվրոպական այս կառույցի նախագահ դարձավՙմինչեւ 2019- ի տարեվերջ պաշտոնավարման ժամկետով: Լեհաստանը սպառնում էր վիժեցնել ընտրությունը: Լեհաստանի նախկին լիբերալ վարչապետ Դոնալդ Տուսկի դեմ է այսօրվա իշխող ուժըՙ Յարոսլավ Կաչինսկու ղեկավարած ազգային պահպանողական «Իրավունք եւ ճշմարտություն» կուսակցությունը:
