2017 թ. ապրիլի 28-ին, «Նորավանք» գիտակրթական հիմնադրամի համաժողովների դահլիճում տեղի կունենա կլոր սեղան «ԵԱՏՄ դերն ու տեղը բազմաբեւեռ աշխարհում» խորագրով: Միջոցառման կազմակերպչներն են «Ինտեգրում եւ զարգացում» հետազոտության եւ վերլուծության հասարակական կազմակերպությունը, Եվրասիական փորձագիտական ակումբը, Սոցիալական ծրագրերի աջակցության ռուսաստանյան ազգային հիմնադրամը եւ «Նորավանք» գիտակրթական հիմնադրամը:
Ելույթ կունենան Եվրասիական փորձագիտական ակումբի անդամներ, տնտեսագիտության թեկնածու, ՀՊՏՀ դոցենտ Աշոտ Թեւիկյանը , քաղաքական գիտությունների թեկնածու, ԵՊՀ դոցենտ Գրիգոր Բալասանյանը , պատմական գիտությունների թեկնածու, ԳԱԱ Արեւելագիտության ինստիտուտի ավագ գիտաշխատող Արմեն Մանվելյանը եւ տնտեսագիտության դոկտոր, պրոֆեսոր, ինտեգրացիոն գործընթացներ ուսումնասիրող հեղինակային կոլլեկտիվի ղեկավար Աշոտ Թավադյանը : Նրանց ելույթներում կլուսաբանվեն հետեւյալ թեմաները.
1. Միասնական առեւտրական եւ ֆինանսական տարածքը: ԵԱՏՄ անդամ-երկրների ֆինանսական համակարգերի միավորման հիմնական փուլերը:
2. ԵԱՏՄ-ն որպես անդրտարածաշրջանային կազմավորում, ինչպես նաեւ ընդհանուր եւ միասնական հաղորդակցական տարածք:
3. Միջազգային լարվածության սրումը աշխարհում, աշխարհաքաղաքական մրցակցությունը եւ Եվրասիայի տարածքում կոլեկտիվ անվտանգության ապահովման անհրաժեշտությունը:
4. ԵԱՏՄ եւ այլ ետխորհրդային ինտեգրացիոն միավորումների զարգացման հեռանկարները: Եվրասիական ապագայի կերպարը:
Կլոր սեղանը կազմակերպված է Հայաստանի բուհերի, ուսանողների, ասպիրանտների եւ երիտասարդ գիտնականների, հետաքրքրված հասարակական կազմակերպությունների անդամների, փորձագիտական հանրության ներկայացուցիչների համար:
