Այս վերնագրով հոդվածը, որ հրապարակել է գերմանական «Մերկուր» լրատուն՝ հենվելով ամերիկյան Բլումբերգի տեղեկատվությանը, բացահայտում է, որ անցած 8 ամիսների ընթացքում ԵՄ-ից Հայաստան եւ Ղազախստան ավելի շատ կենցաղային տեխնիկա է ներկրվել, քան նախորդ երկու տարվա ընթացքում։ Պատճառը՞։ Հավանական է՝ Մոսկվան գտել է Արեւմուտքի պատժամիջոցները շրջանցելու ուղին։ Հայտնի չէ՝ Իրանի նախագահ Ռաիսին իր փորձը փոխանցե՞լ է Պուտինին, թե՞ ոչ, բայց Մոսկվան գտել է ելքը, գրում է «Մերկուրը»։ ՌԴ-ում աճել է կենցաղային տեխնիկայի պահանջարկը, որ լրացվում է Հայաստանից եւ Ղազախստանից։ ՌԴ-ին զենքի արտադրության համար միկրոչիպեր, կիսահաղորդիչներ են անհրաժեշտ, որ երկիրը լրացնում է այս կերպ՝ ԵՄ-ում արտադրված կենցաղային էլեկտրասարքերի օգնությամբ։
ԱՆԱՀԻՏ ՀՈՎՍԵՓՅԱՆ
