Ինչպես ծանուցում է ադրբեջանական պետական «Ազերթաջ» գործակալությունը, փետրվարի 22-ից մարտի 1-ը Մոսկվայում կանցկացվեն «Ադրբեջանի մշակութային օրեր»՝ ի նշանավորումն երկու երկրների՝ Ռուսաստանի եւ Ադրբեջանի միջեւ դիվանագիտական հարաբերությունների հաստատման 30-ամյակի: «Հեյդար Ալիեւ» հիմնադրամի ֆինանսավորմամբ իրականացվող միջոցառումների շարքում Մոսկվայի ժողտնտեսության նվաճումների ցուցադրական՝ Ադրբեջանի տաղավարում արդեն բացվել է «Ադրբեջանական գորգ. Նոր հայացք» ցուցահանդեսը, որ ներառում է Ղարաբաղի 14 գորգ:
Միգուցե սա առիթ դառնա, որ Մոսկվայում եւ դրա սահմաններից դուրս ապրող հայ եւ ռուս մշակութաբաններ, արվեստի գիտակներ Ղարաբաղի՝ հայկական Արցախի մասին խոսեն, գորգի նախշերի լեզուն մեկնաբանելու հնարավորություն ունենան՝ վկայելով դրանց հայկական պատկանելիությունը: Գիրք էլ կա, մասնագետ էլ կա, հա՛յ դիվանագետներ, մի՛ թողեք անտեր մեր հնամենի ժառանգությունը:
