Ադրբեջանի նախագահի հայտարարությունը, թե հայկական կողմի նկատմամաբ զրոյին մոտ վստահություն կա, ինքնին ինձ համար զարմանալի է։ Մեր ընդդիմադիր գործընկերները և ընդդիամխոսները մեզ հակառակի մեջ են մեղադրում՝ Ադրբեջանի նախագահն ինչ ասում է, դուք էդ եք անում։ Հիմա ընդդիմությանը հերքում է Ադրբեջանի նախագահը. ԱԺ-ում լրագրողների հետ ճեպազրույցում ասաց ԱԺ նախագահ Ալեն Սիմոնյանը։
Ադրբեջանի ՊՆ-ը երեկ մի քանի հայտարարություն է արել, թե իբր ՀՀ ԶՈՒ-ը հրատենիներից կրակ են բացել ադրբեջանական դիրքերի ուղղությամբ։ ՀՀ ՊՆ-ը և Եվրոպական դիտորդները հակառակ հայտարարությունն են արել՝ հայկական կողմն ադրբեջանական դիրքերի ուղղությամբ կրակ չի բացել։
«Ենթադրում եմ, որ սա Ալիևի զրո վստահությանը միտված, ադրբեջանական հանրության մեջ Ալիևի խոսքերն ավելի պնդացնելու և ցուցադրելու համար է՝ «որ նախագահն ասում ա, ուրեմն մի բան կա» դրա միտումն է ունեցել»,- ադրբեջանական կողմի քայլերը մեկնաբանեց Ալեն Սիմոնյանը։
Որ հայերը հարձակվում են, իսկ իրենք ստիպված են պատասխան տալ. սա Ադրբեջանի մշտական ոճն է։ Բայց էս փուլում չեմ կարծում, որ նրանք էսկալացիայի կգնան, նոր ենք հայտարարել, որ խաղաղության համաձայնագիրը համաձայնեցված է։ Եվրամիության դիտորդների գնահատականն ակնհայտ է, աշխարհը հո Ադրբեջանի տելեգրամյան ալիքների վրա հիմնվելով չի իր կարծքները կազմում, նրանք Ադրբեջանում իրենց աղբյուրներն ունեն. կարծում է Ալեն Սիմոնյանը։
Ալեն Սիմոնյանը խոսեց նաև երկու երկրների Սահմանադրությունները փորձագիտական հանձնաժողովների ուղարկելու մասին՝ նշելով, որ կարող են, օրինակ, Վենետիկի հանձնաժողովին ուղարկել, որ այդ կառույցը ասի՝ ըստ այդ Սահմանադրությունների՝ Հայաստանն ու Ադրբեջանը միմյանց նկատմամբ տարածքային պահանջներ ունե՞ն, թե ոչ։
Մանրամասները՝ տեսանյութում
Հետևեք մեզ նաև Տելեգրամում։
