2024 թվականը սողացող պատերազմի տարի էր։
Փետրվարի 13-ին տեղի ունեցան Ներքին հանդի դեպքերը, 4 զոհ ունեցանք ու տարածքային զիջումներ, իսկ մարտին Փաշինյանը հայտարարեց՝ եթե Ադրբեջանին չզիջենք 3 գյուղերը, կստանանք պատերազմ։ Բայց եթե զիջենք, էլի չեմ երաշխավորում, որ պատերազմ չենք ստանա. այսօրվա ասուլիսին Փաշինյանի հայտարարությունները հիշեցրեց ՀԱԿ կենտրոնական գրասենյակի համակարգող Լևոն Զուրաբյանը։
Հետո եղավ սահմանազատում կոչվող գործընթացը. մենք տեսանք, որ մեզ խփում են, մենք զիջում ենք։ Իշխանությունները հավաստիացնում էին՝ իբր եվրամիության դիտորդների ներկայությունը թույլ չի տա, որ Ադրբեջանը Հայաստանի վրա հարձակվի, ագրեսիա դրսևորի, մինչդեռ հակառակը տեսանք, իսկ դիտորդները անգամ մի կարգին հայտարարություն էլ չարեցին։
«Փայլուն» վարած քաղաքականության հետևանքով մենք գնում ենք նորանոր զիջումների։ Սահմանազատման անգլուխ գործընթացով մենք տարածքներ ենք զիջում Ադրբեջանի ռազմական ճնշումների ներքո։
Փետրվարի 1-ին Հռոմի ստատուտին անդամակցեցինք։ Իշխանություններն ասացին՝ միջազգային իրավունքով պաշտպանված ենք, Ադրբեջանը կզսպվի այս ստատուտով, մինչդեռ փետրվարի 13-ին Ադրբեջանը շատ հանգիստ էլ Ներքին հանդի կողմից հարձակվեց Հայաստանի սուվերեն տարածքի վրա»,- հիշեցրեց Զուրաբյանը։
Միջազգային իրավունքը թուլացել է, բոլորս ենք տեսնում, բայց Փաշինյանը, հանրության աչքերին թոզ փչելով, հայտարաում է, թե հենց միջազգային փաստաթղթերով ենք մենք պաշտպանված լինելու, դրանց պիտի կառչենք։ Կառչենք մի բանի, որը գոյություն չունի։
«2024 թվականը Փաշինյանի խոստացած հեռանկարների տապալման տարի է։
Էդ մարդը տապալվել է։ Ու այս ամենը ավելի է սաստկանում։ Աշխարհում մեծ էսկալացիա կա, որը նաև մեր անվտանգության վրա է ազդում։
Ադրբեջանը, Թուրքիան ակտիվացրել են «Զանգեզուրի միջանցքի» հարցը։ Անգամ թուրքական հեռուստաընկերությամբ է հայտարարվել, որ Սիրիայից հետո Թուրքիան վերադառնալու է «Միջանցքի» հարցին։
Մեր անադեկվատ իշխանությունը չի նկատում այս վտանգները»,- արձանագրեց Զուրաբյանը։
Մանրամասները՝ տեսանյութում։
