ՀՀ ԱԺ նախագահ Ալեն Սիմոնյանը ՀԱՊԿ-ի մասին հայտարարություն է արել՝ ՀԱՊԿ գլխավոր քարտուղարի այցից անկախ՝ Երևանը շարունակում է մտածել, որ Հավաքական անվտանգության պայմանագրի կազմակերպությունը (ՀԱՊԿ) դուրս է գալիս Հայաստանից։
ՌԴ ԱԳՆ ներկայացուցիչ Մարիա Զախարովան մեկնաբանել է Ալեն Սիմոնյանի հայտարարությունը. «Բառացիորեն վերջերս բարձրաստիճան պաշտոնական ներկայացուցչի՝ Հայաստանի արտաքին գործերի նախարարից ուղիղ խոսք լսեցինք այն մասին, թե Հայաստանն ինչ է մտածում ՀԱՊԿ-ի մասին։
Սա պաշտոնական դիրքորոշում է, մարդն իրավասու է նման հայտարարություններ անել։ Հաստատվել է, որ մշակվում է Հայաստանում ՀԱՊԿ առաքելության տեղակայման հարցը։ Սա առաջին բլոկն է՝ ամենակարևորը։ Երկրորդ կետը՝ քանի քաղաքական գործիչ՝ այդքան կարծիքների տարբեր մեկնաբանություններ:
Ի դեպ, դրանք հնչեղ հայտարարություններով աչքի ընկնելու հնարավորություններ են: Առաջին անգամը չէ, որ լսում եմ հարց այն մասին, թե ինչ է նշանակում «ՀԱՊԿ-ը հեռանում է Հայաստանից» արտահայտությունը. ուզում եմ այս հարցերը ևս մեկ անգամ ուղղել հայկական կողմին, բայց իմ կողմից ավելացնել՝ ինչպե՞ս են նման բան ասողները տեսնում ՀԱՊԿ-ի՝ Հայաստան մտնելու գործընթացը, եթե նրանք ֆիքսում են ՀԱՊԿ-ի դուրս գալը: Եվ ուրեմն ինչպե՞ս են նրանք ֆիքսում մուտքը, չէ՞ որ նրանք ամեն դեպքում ինչ-որ ձևով դա տեսնում են»:
Հիշեցնենք, որ ասուլիսի ժամանակ վարչապետ Նիկոլ Փաշինյանը նույնպես հայտարարել է՝ հարց է՝ Հայաստա՞նն է դուրս գալիս ՀԱՊԿ-ից, թե՞ ՀԱՊԿ-ը՝ Հայաստանից․
