Եվրոպական Միությունը ողջունել է Հայաստանի և Թուրքիայի հատուկ ներկայացուցիչներ Ռուբեն Ռուբինյանի և Սերդար Քըլըչի վեցերորդ հանդիպումը, որը տեղի է ունեցել Երևանում. հայտարարել է Հարավային Կովկասում ԵՄ հատուկ ներկայացուցիչ Մագդալենա Գրոնոն X սոցիալական ցանցի իր էջում։
«Այսօրվա դինամիկան և հայտարարությունները լավատեսություն են ներշնչում», – նշել է նա։
Գրոնոն նաև նկատել է, որ Եվրամիությունը ուշադիր հետևում է տարածաշրջանում գործընկերների միջև հարաբերությունների կարգավորման և խաղաղության գործընթացներին և կշարունակի աջակցել նրանց ջանքերին՝ կայուն խաղաղության, տարածաշրջանային համագործակցության, կապի ընդլայնման և հաշտեցման հասնելու համար։
