ՌԴ Պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը Telegram-ի իր ալիքում պատասխանել է Հայաստանի նախկին վարչապետ Վազգեն Մանուկյանի նամակին։
Նամակում Զատուլինն անդրադառնում է Վազգեն Մանուկյանի այն խոսքերին, որ 2020 թվականից ի վեր Ռուսաստանի Դաշնության պահվածքը «չի համապատասխանում դաշնակցի հայեցակարգին», իսկ զինված ուժերի դուրսբերումը Լեռնային Ղարաբաղից «վերջին կետն է դնում i-ի վրա»:
«Սա օտար տառ է, մեր այբուբեններում չկա։ Դուք, իհարկե, գիտեք, որ ես և իմ նման մտածող մարդիկ Ռուսաստանում ամենաքիչն էինք ցանկանում, որ Ղարաբաղում մեր խաղաղապահ գործողությունը նման ավարտ ունենա։ Բայց նախ հայերի, ապա՝ ռուսների դուրս գալն այն ամենից հետո, ինչ տեղի ունեցավ 2020 թվականից և հատկապես 2022-2023-ից հետո կանխորոշված էր»,- գրել է նա։
Նա նշել է, որ դա դառը ճշմարտությունն է եւ չի ցանկանում կարճ նամակով թվարկել պատճառները։
«Ես ուզում եմ փրկել այն, ինչ մնացել է մեր ժողովուրդների հարաբերություններում, որպեսզի նրանք չդառնան պետությունների և կառավարությունների քաղաքականության զոհը։ Ես չէ, որ ձեզ պետք է ասեմ, թե ինչ է լինում քաղաքականության մեջ. Բայց մի շտապեք թաղել հույսը, կասկած մի մտցրեք իմ և մեր հավատքի մեջ, սա է Հայաստանի և Ռուսաստանի ապագայի երաշխիքը»,- նշել է նա։
