Քանի դեռ իրավիճակը տարածաշրջանում ամբողջությամբ չի կարգավորվել, ռուս սահմանապահների դուրսբերումն Իրանի և Թուրքիայի հետ սահմանային հատվածներից անտեղի է Հայաստանի անվտանգության տեսանկյունից. ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի խորհրդարանի նախագահ Ալեն Սիմոնյանի հայտարարությունը, թե Հայաստանի իշխանությունները մտածում են երկրի՝ Թուրքիայի և Իրանի հետ սահմանին ռուս սահմանապահներ տեղակայելու մասին։
«Երևի Ալեն Ռոբերտովիչն այնքան էլ ուշադիր չի հետևել Նիկոլ Վովաևիչի ասուլիսին։ 1992 թվականին Հայաստանում ռուս սահմանապահների ներկայությունը կարգավորող հիմնական փաստաթուղթը հանրապետությունում ռուսական սահմանապահ զորքերի կարգավիճակի մասին անժամկետ պայմանագիրն է։ Ռուս սահմանապահները բազմիցս ապացուցել են իրենց ներկայության անհրաժեշտությունը։ Այս ոլորտներում բեղմնավոր ու լայնածավալ համագործակցություն է հաստատվել, ինչը կարծես նյարդայնացնում է Երևանի որոշ քաղաքական գործիչների։
Հարևանների հետ անկայուն հարաբերությունների պայմաններում արժե մտածել անվտանգության մասին։
Ինձ թվում է՝ մարդիկ, ովքեր փորձագետ չեն, բայց հանգիստ նստած են իրենց տեղում. երևի ավելի ճիշտ կլինի հարցնել նրանց, ովքեր իրենց կյանքը վտանգի տակ են դնում»,- ասել է ՌԴ ներկայացուցիչը։
