ԱԺ Եվրաինտեգրման խորհրդարանական հանձնաժողովը հավանություն է տվել օրինագծին, որով նախատեսվում է սկսել Հայաստանի՝ ԵՄ-ին անդամակցելու գործընթացը. ասել է հանձնաժողովի նախագահ Արման Եղոյանը։
«Հանձնաժողովը դրական եզրակացություն է տվել օրինագծի վերաբերյալ, այն կընդգրկվի ԱԺ առաջիկա քառօրյայի օրակարգում, որը կմեկնարկի փետրվարի 11-ին»,- հայտնել է նա։
Սա Եվրամիությանն անդամակցելու որոշում չէ, այլ այս գործընթացը սկսելու որոշում. Եվրոպական ինտեգրման հարցերի մշտական հանձնաժողովի նիստում «Հայաստանի Հանրապետության Եվրամիությանն անդամակցության գործընթացն սկսելու մասին» օրենքի նախագծի քննարկման ժամանակ հայտարարել է «Հանրապետություն» կուսակցության ներկայացուցիչ Արտակ Զեյնալյանը։
