Կեներք, բայց սոցիալական և պաշտոնական միջոցառումներ բոլոր պետություններում են տեղի ունենում, և բոլոր պաշտոնատար անձինք սոցիալական միջոցառումների ժամանակ հավաքվում են և միասին մասնակցում միջոցառումների։ Այսօր լրագրողների հետ ճեպազրույցի ժամանակ այս մասին ասաց ՀՀ մարդու իրավունքների պաշտպան Անահիտ Մանասյանը՝ անդրադառնալով ՀՀ վարչապետի տիկին Աննա Հակոբյանի անունից մատուցված ճաշին իր և ՀՀ գլխավոր դատախազ Աննա Վարդապետյանի մասնակցությանը։
Անահիտ Մանասյանը նշեց, որ խոսքը պաշտոնական բարեկամական ճաշի մասին է։
«Երևի թե ես այն բացառիկ ՄԻՊ-երից եմ, որ գրասենյակային աշխատանքով չեմ զբաղված, և իմ օրվա հիմնական մասը չի անցնում պաշտոնատար անձանց հետ հանդիպումներում, այլ անցնում է քաղաքացիների հետ շփումներում։ Գրեթե շաբաթ չկա, որ ես չլինեմ որևէ գյուղական բնակավայրում կամ խնամքի հաստատություններում։
Ավելին ասեմ՝ ես ոչ միայն որպես ՄԻՊ, այլև որպես քաղաքացի՝ սոցիալական նախաձեռությունների ոչ միայն հեղինակ եմ, այլ նաև մասնակից, որովհետև ես հաշմանդամություն ունեցող մարդկանց հետ անձնապես սոցիալական նախաձեռնություն եմ իրականացնում»,-ասաց Մանասյանը։
Հիշեցնենք, որ Աննա Հակոբյանը ճաշել էր «Հաշմանդամություն ունեցող անձանց ծառայությունների հասանելիություն/փորձի փոխանակում» խորագրով միջազգային համաժողովին մասնակցելու համար Կատարից ու ԱՄԷ-ից Հայաստան ժամանած հյուրերի հետ, որի ժամանակ նրան ուղեկցել էին ՀՀ գլխավոր դատախազ Աննա Վարդապետյանն ու ՄԻՊ Անահիտ Մանասյանը։
Քննարկման առիթ էր դարձել այն, որ երկու ինստիտուտներն էլ սահմանադրական կառույցներ են ու անկախ, սակայն դրանց ղեկավարները դարձել են գործադիր ղեկավարի կնոջ ուղեկիցները:
