Այն, ինչ մենք ստորագրել ենք ԱՄՆ-ի հետ, ռազմավարական դաշնակցային հարաբերություն չի, հետևաբար Հայաստանի համար ավտանգության երաշխիքներ չի տալիս, որևէ մեխանիզմ չկա, նաև նախատեսված չէ, որ ԱՄՆ-ն Հայաստանին պետք է զենք վաճառի, զենք մատակարարի, օգնություն տրամադրի։ Մենք պետք է հասկանանք, որ այս փաստաթուղթը դրա մասին չէ. հունվարի 27-ին, մամուլի ասուլիսի ժամանակ հայտարարեց միջազգայնագետ Սուրեն Սարգսյան։
Սա մի փաստաթուղթ է, որ ֆիքսում է հայ-ամերիկյան հարաբերությունների հաջորդ փուլը։ Մենք ԱՄՆ-ի հետ նախկինում ստորագրել ենք ռազմավարական երկխոսության փաստաթուղթ, հիմա՝ ռազմավարական գործընկերության փաստաթուղթ։ Սրանց համար հիմք է ծառայել դեռևս 1990-ականներին ձևավորված երկկողմ իրավապայմանագրային բազան։ 1990-ականների կեսերից Հայաստանի և ԱՄՆ-ի միջև ստորագրվել են ներդրումների խրախուսման, երկկողմ ներդրումների խրախուսման փաստաթղթեր։ Եթե դրանք չլինեին, այս վերջինը Բայդենն ու Միրզոյանը չէին կարող ստորագրել, առաջընթաց չէր աձանագրվի։
«Նախկին 3 նախագահներն իրենց լուրջ ներդրումներն են ունեցել, որպեսզի ԱՄՆ-ի հետ հարաբերություններն առաջ շարժվեն։ Այնպես որ, ես չեմ ուզում,որ մենք սա վերագրենք որպես Բայդենի և Փաշինյանի ձեռքբերում։ Ասեմ ավելին՝ եթե մենք այդպիսի ընկալում ունենանք, ապա Թրամփը չի իրականացնի այն, ինչ այս փաստաթղթով նախատեսված է։ Թրամփի վարչակազմը փաստաթղթի ստորագրմանը տեղյակ է եղել, որովհետև գործում է մի նախագահից իշխանությունը մյուսին փոխանցելու տրանզիցիոն թիմ, որը նախագահին տեղեկացնում է՝ ինչ է ստարագրվել։ Այս փաստաթուղթը կանոնադրություն է, ըստ որի՝ ստեղծվում է աշխատանքային խումբ, որը պետք է կյանքի կոչի ռազմավարական գործընկերության պայմանավորվածություններ, պայմանագրեր, տարբեր ծրագրերի շրջանակում համագործակցություն»,- Հայաստան-ԱՄՆ ռազմավարական գործընկերության համաձայնագրի էությունը բացատրեց Սուրեն Սարգսյանը։
