Ինֆորմացիայի արտահոսք. նոր փաստաթուղթ է ի հայտ եկել, որն էլ եղել է Պրահայի հանդիպումների առանցքային թեման

Ռուսական տելեգրամ ալիքներն ինֆորմացիոն արտահոսք են արել ու հրապարակել մի փաստաթուղթ, որը քննարկվել է 2022 թվականի սեպտեմբերի 27-ին Վաշինգտոնում՝ ենթադրաբար, Հայաստանի Անվտանգության խորհրդի քարտուղար Արմեն Գրիգորյանի, Ադրբեջանի նախագահի օգնական Հիքմեթ Հաջիևի և ԱՄՆ ազգային անվտանգության հարցերով խորհրդական Ջեք Սալիվանի հանդիպման ժամանակ։

Ըստ աղբյուրի՝ «այս փաստաթուղթը դարձել է նաև Պրահայում առանցքային խոսակցության թեմա՝ Փաշինյանի, Ալիևի և Էրդողանի միջև»։

Եռակողմ բանակցություններում Կողմերի պարտավորություններն են.

(ներկայացնում ենք փաստաթղթի թարգմանությունը)

ԱՄՆ, Վաշինգտոն Դ․Կ․

27 սեպտեմբերի, 2022թ

Կողմերը պարտավորվել են կատարել հետեւյալը

 • Կողմերի արտաքին գործերի նախարարները կսկսեն ժամանակի մեջ սահմանափակված, փաստաթղթային հենքով (տեքստային) բանակցություններ՝ խաղաղության պայմանագիրը ավարտին հասցնելու նպատակով, մինչև օրացուցային տարվա վերջը

 • Զուգահեռաբար խաղաղության շուրջ բանակցություններին Սահմանազատման կոմիտեի ներկայացուցիչները ավարտին կհասցնեն սահմանագծումը հայ-ադրբեջանական միջազգային սահմանի, մինչև օրացուցային տարվա վերջ:

 • Ադրբեջանի կառավարությունը կառաջադրի ներկայացուցիչ, ով կաշխատի համանման ներկայացուցչի հետ՝ նշանակված ԼՂ-ի Հայկական էթնիկ համայնքի կողմից՝ ԼՂ – ի բնակիչների իրավունքների և անվտանգության քննարկումեր անցկացնելու համար: Ներկայացուցիչները կապահովեն իրենց քննարկումների թափանցիկությունը միջազգային հանրությանը: Կողմերը կշարունակեն դիտարկել միջազգային դիտորդի հնարավոր  կարգավիճակը, առանց Ադրբեջանի ինքնիշխանություն միջամտության, նպատակ ունենալով ապահովել վստահություն ԼՂ- ում ապրող ազգային փոքրամասնության խմբերի պաշտպանության նկատմամբ:

 • Կողմերը պարտավորվել են ներգրավված մնալ քննարկումների մեջ՝  որպեսզի հաստատվի Ադրբեջանը Նախիջևանին միացնող երթուղի՝ ներառելով փոխադարձ մուտք Հայաստանի համար՝ Ադրբեջանով:

 • Մոտ օրերին բոլոր 2022 թվականի սեպտեմբերին բռնության ժամանակ ձերբակալվածներն ազատ կարձակվեն առանց որևէ նախապայմանի:

Որպես կողմերի մեջ քննարկումների կազմակերպիչ, Միացյալ Նահանգները՝

 • նշեց, որ վստահում է կողմերին առ այն, որ բռնության վերսկսում տեղի չի ունենա և ակնկալում է, որ կողմերը կկենտրոնանան բանակցությունների առաջընթացի վրա և մինչև տարվա վերջ կեզրափակեն դրանք:

 • առաջարկեց անհապաղ տրամադրել տեխնիկական օգնություն բազմամոդալ տրանսպորտային կապերի, սահմանների սահմանազատման և ականազերծման համար:

 • առաջարկեց կրկին այս ձևաչափով հավաքվել մինչև տարվա վերջ՝ հաշվի առնելու և անդրադառնալու ցանկացած խոչընդոտի խաղաղության գործընթացի և առնչվող այլ քննարկումներին: