Լրագրողի հարցին, թե արդյոք ՔՊ-ն վերջին կալավորությունների մասով ունի երաշխավորություն ներկայացնելու որոշում՝ Արշակյանն ասաց. «Այն կանանց, ովքեր մանկահասակ բալիկներ ունեն և Աշոտ Հովհաննիսյանի մասով ՔՊ-ն երաշխավորություն ներկայացնելու որոշում ունի»:
ԱԺ ՔՊ խմբակցության ղեկավար Հայկ Կոնջորյանն խոսքով էլ միջնորդությունը կներկայացվի այսօր․ «Կային հանրային որոշակի ազդակներ, բայց հատկապես հաշվի է առնվել, որ կան մեղմացուցիչ պարագաներ, կանանց պարագայում՝ մանկահասակ երեխաների առումով և, ըստ էության, քննարկել ենք երեկ խմբակցության նիստում և դրական ենք տրամադրված միջնորդություն ներկայացնելու»,-ասաց նա։
Կոնջորյանը պնդեց, թե որոշումը Ազգային ժողովի նախագահ Ալեն Սիմոնյանի անձով պայմանավորված չէ, նաև համաձայնեցված չէ վարչապետ Նիկոլ Փաշինյանի հետ։
Հիշեցնենք, որ Էկոնոմիկայի նախարարությունում առերևույթ կոռուպցիոն չարաշահումների գործով անցած շաբաթ ազատազրկվեցին նախարարության աշխատակիցներ ու Ազգային ժողովի նախագահ Ալեն Սիմոնյանի եղբոր կինը՝ Անի Գևորգյանը։
Գործը վերաբերում է պետական մրցույթին, որտեղ իրենց նախընտրելի ընկերության հաղթանակը ապահովելու համար նախարարության աշխատակիցներն անհնարին պայմաններ են ստեղծել հաղթողից եռակի ցածր գին առաջարկած մրցակցի համար։
Թեև, ըստ Քննչական կոմիտեի, հնարավոր էր այդ ծառայության համար վճարել 108 միլիոն դրամ, նախարարության մրցութային հանձնաժողովը նախապատվություն է տվել դրանից մոտ 300 միլիոն դրամ ավելի բարձր գին առաջարկած «Սիներջի» ընկերությանը։
