Baricitinib-ը ռևմատոիդ արթրիտի բուժման համար նախատեսված դեղամիջոց է, որը վերջերս արժանացել է մեկ այլ աուտոիմուն հիվանդության՝ օջախային ալոպեցիայի (տեղային մազաթափություն) բուժման հնարավոր տարբերակները ուսումնասիրող գիտնականների ուշադրությանը: Միայն ԱՄՆ-ում այս հիվանդությունն ամեն տարի ախտորոշվում է ավելի քան 300,000 մարդու մոտ։ Այն հանգեցնում է մազաթափության իմուն համակարգի կողմից սեփական բջիջները ճանաչելու անկարողության պատճառով, այսինքն իմուն համակարգը գրոհում է սեփական, տվյալ դեպքում մազային ֆոլիկուլների բջիջները:
Baricitinib-ի արդյունավետության մասին ենթադրությունը հիմնված էր դեղամիջոցի՝ ֆոլիկուլը վնասող ազդանշանային ուղիները ընդհատելու ունակության վրա: Դեղամիջոցի կլինիկական փորձարկումներին մասնակցել է 1200 մարդ, նրանց մեկ երրորդի մոտ մազերի աճը վերականգնվել է՝ ամեն օր 4 միլիգրամ դեղամիջոց ընդունելու շնորհիվ։ Մեկ հինգերորդի մոտ՝ օրական 2 միլիգրամ ընդունելու շնորհիվ։
ԱՄՆ-ի Սննդի և դեղերի վարչությունը (FDA) հետևել է խոստումնալից դեղորայքի փորձարկմանը և այժմ պատրաստ է կանաչ լույս տալ Baricitinib-ին՝ որպես օջախային ալոպեցիայի բուժման միջոց: Այսպիսով Baricitinib-ը կդառնա մազաթափության դեմ FDA-ի կողմից հաստատված ամենօրյա դեղահաբերի տեսքով առաջին համակարգային բուժման տարբերակը:
Աղբյուրը` ita.am
