ԻՀՊԿ հրամանատարն ասել է. ««Հեզբոլլահն» այնքան ուժեղ է, որ կարող է իշխանություն ստեղծել նույնիսկ կրակի տակ», գրում է parstoday.ir-ը:
Իրանի ռադիոհեռուստատեսության հաղորդմամբ՝ Սպահան նահանգի 24 հազար նահատակների հիշատակին նվիրված ազգային կոնգրեսում ունեցած ելույթում, գեներալ Սալամին ասել է․ «Լիբանանի «Հեզբոլլահն» իր դիմադրության շնորհիվ կարողացավ Սիոնիստական ռեժիմին պարտադրել զինադադարի իր պայմանները»։
Նա նշել է․ «Այսօր Սիոնիստական ռեժիմը պարտված է, կոտրված, ընկճված և վհատված և ստիպված է զիջումների գնալ Գազայի պատերազմի ավարտին ընդառաջ, հակառակ դեպքում վիճակը ավելի կվատանա»։
Գեներալ Սալամին ասել է․ «Այսօր սկսվել է ռեժիմի անկման կորն ու «Հեզբոլլահի» իշխանության հասնելու կորը։ Հավասարումները կրկին փոխվեցին։ Փոխվեցին ընկալումները, և իսլամն ու վիլայաթը փայլեցին»:
