«Արցախի Հանրապետության 22 մետրանոց դրոշը՝ ՄԱԿ-ի հայաստանյան գրասենյակի ցանկապատին:
Մեկ օր ԱՀ դրոշը կծածանվի նաև ՄԱԿ-ի կենտրոնակայանում՝ որպես կառույցի լիիրավ անդամ-երկրի խորհրդանիշ»,-տեղեկացնում է Արցախի պետքարտուղարի խորհրդական Արտակ Բեգլարյանը, որը ՀՀ-ում ՄԱԿ-ի գրասենյակի դիմաց արդեն 8 օր նստացույց է անում։
Հիշեցնենք, որ դեկտեմբերի 12-ից ադրբեջանցիներն, իբր բնապահպանական խնդիրներ առաջ քաշելով, փակել են Արցախը Հայաստանին կապող միակ՝ Կյանքի ճանապարհը, ինչի պատճառով Արցախը հայտնվել է հումանիտար աղետի մեջ։
Արցախցի բժիշկներն ահազանգում են, որ կան ծանր վիճակում գտնվող հիվանդներ, 4 տարեկան մի երեխայի վիճակը գնահատվում է ծայրահեղ ծանր։
Պլանային և հատուկ վիրահատություններ անելու նպատակով Հայաստանից Արցախ պետք է ուղևորվեին բուժոլորտի մասնագետներ։
