Ես չեմ կարող արշավ ծավավել եկեղեցու դեմ, և որևէ մեկը չի կարող պաշտպանել այն, ինչը գոյությհուն չունի։ Հայ առաքելական եկեղեցին իմ համար ու իմ ընտանիքի համար սրբություն են։ Այն, ինչ մենք անում ենք, հանուն եկեղեցու է. ասաց Փաշինյանն այսօրվա ասուլիսին։
Փաշինյանը հայտարարեց, որ Եկեղեցին անկում է ապրում, ու իր արածը այդ անկումը թույլ չտալն է։
«Եկեղեցու նկատմամբ որպես հավատավոր հետևորդ վերաբերմունքն է, որ ինձ ստիպում է, որ Մայր Աթոռի նորոգման անհրաժեշտության ու անխուսափելիության մասին բարձրաձայնեմ։ Այդ օրակարգը ՀՀ-ում կիսում են բազամթիվ մարդիկ ու եկեղեցու հավատավոր հետևորդները»,-ասաց նա։
Լրագրողը նրան հարց տվեց նզովքի մասին։
«Որտեղի՞ց ձեզ այդ տեղեկատվությունը, որ Աստված ինձ նզովել է։ Գուցե նզովել ու նզովում է նրանց, ովքեր Աստծո տունը պղծո՞ւմ են։ Ինչպես կարող է Աստված չնզովել նրանց, ովքեր պղծում են իր արժեքները և եկեղեցին։ Ես մի մարդ եմ, որ համարում եմ, որ ունի հոգևոր կյանք, որը հաղորդակցվում է Աստծո հետ։ Նրա հետ հաղորդակցվելու մի ձև կա՝ աղոթք, սաղմոս կարդալ։
Ես ասել եմ՝ առաջնորդելու եմ Վեհարանը իրենցից ազատելու գործընթացը։ Ինչպե՞ս եմ ազատելու։ Այնպես, ինչպես Հայաստանն ազատեցինք Սերժ Սարգսյանից։ 2018 թվականի հեղափոխությունը սիրո և համերաշխության հեղափոխություն էր։ Իսկ այս անգամ ճիշտ կլինի, որ դրա առաջին շարքերում լինեն Հայ առաքելական եկեղեցու հետևորդները»,- Վահարանը Գարեգին Երկրորդ ամենայն հայոց կաթողիկոսից «ազատելու» մասին ասաց Փաշինյանը։
