Իրանը դիմել է Ադրբեջանին, որպեսզի վերաբացի Թեհրանում դեսպանատունը, որը փակվել էր հունվարի 27-ի հարձակումից հետո, հայտարարել է Ադրբեջանի արտգործնախարար Ջեյհուն Բայրամովը։
Նրա խոսքով՝ դիվանագիտական առաքելության աշխատանքը կարող է վերսկսվել միայն հարձակման մեղավորներին պատժելուց հետո։
Հիշեցնենք, որ հունվարի 27-ին հարձակում է տեղի ունեցել Թեհրանում Ադրբեջանի դեսպանատան վրա, ինչի հետևանքով սպանվել է անվտանգության ծառայության պետ Օրխան Ասկերովը, վիրավորվել են երկու պահակները, իսկ հարձակվողը կալանավորվել է։ Դրանից հետո Ադրբեջանն ամբողջությամբ դադարեցրել էր Թեհրանում իր դեսպանատան դիվանագիտական գործունեությունը և տարհանեց իր աշխատակիցներին։ Միաժամանակ Թավրիզում Ադրբեջանի գլխավոր հյուպատոսությունը շարունակել է աշխատանքը։
