ԱՄՆ նախկին նախագահ Դոնալդ Թրամփին մինչև 136 տարվա ազատազրկում է սպառնում։ Հաշվարկներն արել են Fox News հեռուստաալիքի լրագրողները։
Այնուհանդերձ, լրագրողները ենթադրում են, որ իրական պատիժը, ամենայն հավանականությամբ, շատ ավելի քիչ կլինի:
Երեքշաբթի ԱՄՆ նախկին նախագահին Նյու Յորքի դատարանում 34 կետով մեղադրանք է առաջադրվել բիզնես փաստաթղթերի կեղծման և հանցավոր դավադրության համար։ Քաղաքական գործիչն իր հասցեին հնչող մեղադրանքները որակել է «աննախադեպ մասշտաբի միջամտություն» 2024 թվականի ԱՄՆ առաջիկա նախագահական ընտրություններին։ Ինքը՝ Թրամփը, իրեն մեղավոր չի ճանաչել և ազատ է արձակվել Մանհեթենի քրեական դատարանից։ Ավելի ուշ նա դատական լսումները «շոկային» է որակել։
