ՀՀ վարչապետ Նիկոլ Փաշինյանն այսօր լրագրողների հետ հանդիպման ժամանակ անդրադարձավ Ադրբեջանի փոխվարչապետ Շահին Մուստաֆաևի՝ Հայաստան կատարած այցին՝ այն համարելով «շատ կարևոր» իրադարձություն։ Նա միաժամանակ չհամաձայանեց այն գնահատականի հետ, որ ադրբեջանցի պաշտոնյայի այցը մինչև վերջին պահը հայ հանրությունից գաղտնի է պահվել։ Ըստ նրա՝ տեղեկատվությունը չի հանրայնացվել՝ անվտանգության նկատառումներից ելնելով։
«Երկու երկրների փոխվարչապետների փոխադարձ այցերը համարում եմ պատմական՝ խաղաղության գործընթացի տրամաբանության մեջ, և ես շատ ուրախ եմ, որ եկել ենք այս հանգրվանին»,- նշեց Փաշինյանը։
Նրա համոզմամբ՝ Հայաստանի ու Ադրբեջանի հարաբերությունները պետք է շարունակաբար լավարկվեն, խաղաղությունն էլ գնալով ուժեղանա։
«Պետք է հաստատվեն բնականոն, երկարաժամկետում՝ բարիդրացիական հարաբերություններ»,- ընդգծեց նա։
