Ինձ համար ամենակարևորը Հայաստանի բևեռն առաջ տանելն է։ Այս ընտրությունները ընտրություններ են մեր պետականության համար։ Այս ընտրություններում պետք է հաղթի մեր պետականությունը, լրագրողների հետ ճեպազրույցում այսօր ասաց «Միասնության թևեր» կուսակցության առաջնորդ Արման Թաթոյանը։
Նրա խոսքով՝ ինքը քարոզարշավի հենց սկզբից պահել է սոլիդարութունը և չի փորձել քննադատել ընդդիմադիր որևէ ուժի։
Անդրադառնալով արտաքին քաղաքական հարցերի՝ն Արման Թաթոյանը շեշտեց՝ ակնհայտ է, որ Ռուսաստանը Հայաստանին կախյալ պետություն է համարում, չի համարում իրական հավասար գործընկեր։
«Այս իշխանությունների քաղաքականությունն է է՛լ ավելի է խորացրել մեր կախվածությունը Ռուսաստանից, և հիմա մեզ վրա ճնշումներ են գործադրում, որ իրենց հարցերն առաջ տանեն։ Այս իշխանություններն էլ իրենց ազդեցության գոտիներն են բերում։ Մենք, ստացվում է, մեր ընտրությունը նորից դրել ենք երկու ուղղությունների միջև՝ որ արտաքին ուժն է ում նախընտրում։ Բաքուն նախընտրում է Նիկոլ Փաշինյանին. Փաշինյանի գլխավոր պապան Ալիևն է։ Աչքիս այնպես է լինելու, որ վերջում էլ գլխավոր պապան է գալու, նրա համար քարոզարշավ անի։ Փաշինյանը նաև ունի տարբեր հոպարներ-քեռիներ, որ այսօր-վաղը գալիս են Հայաստան։ Մոսկվան էլ ունի իր նախընտրած մարդուն, Եվրոպան ու Վաշինգտոնն էլ՝ իրենց։ Ստացվում է՝ մենք այդպիսի ընտրությո՞ւն կատարենք։ Բա մեր երկրի վիճա՞կը։ Մենք հենց մտածենք մեր երկրի մասին,այդ դեպքում մեր խնդիրները կլուծվեն»,- ասաց «Միասնության թևեր»-ի առաջնորդը։
Արման Թաթոյանը շեշտեց՝ ինքն անձամբ հարցեր ունի՝ Արցախի, Ջերմուկի դեպքերին չմիջամտելու, բայց իր համար ակնհայտ է, որ այդ ամենը Նիկոլ Փաշինյանի ձախողումների հետևանք է։
«Մենք իրավունք չունենք ՌԴ-ի հետ կապեր խզել, մենք պետք է նստենք և խոսենք։ Հայաստանը չպետք է աշխատի հանուն Ռուսաստանի՝ ընդդեմ Եվրոպայի, և հանուն Եվրոպայի՝ ընդդեմ Ռուսաստանի։ Մենք պետք է աշխատենք հանուն մեր եկրի շահերի։
Գործող իշխանությունները քաղաքական օրակարգից զրո են, մինուս։ Նրանց քաղաքական հենասյուները երեքն են՝ նախկիններ, եկեղեցի, ռուսներ։ Այս երեքը հանես՝ նրանք կփլվեն։
Փաշինյանը խորամանկորեն առաջ է շարժվում՝ հանուն իր քաղաքական շահերի, որովհետև մենք այստեղ ունենք Ադրբեջանի պրոքսի իշխանություն»,- ասաց Արման Թաթոյանը։
Ըստ նրա՝ դեռ մեծ հարց է, թե ով է իրական դևը և ով քանի գլուխ ունի (նկատի ունի Փաշինյանի՝ «եռագլուխ կուսակցություն» խոսույթը՝ խմբ.)։
«Սիրելի՛ ժողովուրդ, դուք ունեք ընտրություն, և այդ ընտրությունը մենք ենք։ Մենք որևէ արտաքին քաղաքական ուժ չենք ներկայացնում։ Ես երբեք չեմ գնալու, ժողովրդի վրա տղա բերեմ, որ ճնշումներ գործադրեն»,- ասաց Թաթոյանը։
