Նիկոլ Փաշինյանն այսօր լրագրողների հետ զրույցում շեշտեց՝ Բաքվից հայ գերիները միշտ էլ ընտրություններից առաջ են վերադարձել։
«Հիմա ես ուզում եմ հասկանամ ՝ նրանք, ովքեր այդ հարցը բարձրացնում են՝ ուզում են գերիները վերադառնա՞ն, թե չվերադառնան։
Նախորդ խումբն էլ, որ վերադարձել է, էլի ընտրություններից առաջ էր, նախորդ խումբն էլ. ժողովրդավարական երկրում միշտ ընտրություններից առաջ է։ Ընտրությունների հաջորդ օրն արդեն ընտրություններից առաջ է»,- ասաց նա։
Փաշինյանը հավատացրեց, թե գերիների վերադարձի ուղղությամբ ամեն օր աշխատում են, իսկ թե երբ կլինեն արդյունքներ՝ կտեսնենք։
