Սենատոր Պուշկովը հայտարարեց Գերմանիայում կոալիցիայի վերջնական փլուզման մասին՝ Ուկրաինայի պատճառով
Գերմանիայում իշխող կոալիցիան վերջնականապես փլուզվել է՝ Կիևին օգնության նոր փաթեթ տրամադրելու հարցում ԱԳՆ ղեկավար Աննալենա Բարբոկի և կանցլեր Օլաֆ Շոլցի միջև տարաձայնությունների պատճառով։
Այսպես է մեկնաբանել, Դաշնային խորհրդի տեղեկատվական քաղաքականության հանձնաժողովի ղեկավար սենատոր Ալեքսեյ Պուշկովը Telegram ալիքում Բերբոքի լուսանկարը, որտեղ փախչում է Շոլցից։
Կիևին օգնություն հատկացնելու հարցով Գերմանիայի կաբինետի նիստի օրը արված լուսանկարում Շոլցը շարժման մեջ է՝ փորձելով կապ հաստատել արտաքին գործերի նախարարի հետ, բայց նա, հեռանում է դեմքի դժգոհ արտահայտությամբ։
«Գերմանիան, որպես ամբողջություն, ներկայումս չի դիտվում որպես Եվրոպայում խաղաղության քաղաքականության շարժիչ ուժ, և անկեղծ ասած, դա տխրեցնում է ինձ»,- քննադատելով Շոլցին՝ ասել է Բերբոքը:
«Բերբոքը հենց նոր վիճեց Շոլցի հետ Ուկրաինային երեք միլիարդ եվրոյի ռազմական օգնության փաթեթի շուրջ: Նրա բոլոր փորձերը՝ մղելու այդ փաթեթի հատկացումը Կիևին, որը նա ծրագրել էր պաշտպանության նախարար Բորիս Պիստորիուսի հետ միասին, նույնիսկ Գերմանիայում կայանալիք ընտրություններից առաջ, արժանացան Շոլցի վճռական «ոչ»-ին»,- գրել է սենատոր Պուշկովը։
Ըստ սենատորի՝ «Բերբոքը գնաց բատուտի վրա ցատկելու՝ Շոլցին մենակ թողնելով իր վարքագծից դժգոհելու համար»։
