Այս տարվա օրենսդրական փոփոխություններով նախատեսել ենք գրադարանների և թանգարանների ատեստավորման հնարավորություն. թանգարանների ատեստավորման կարգն արդեն իսկ մշակված է , ԱԺ-ում այսօր կայացած քննարկման ժամանակ ասաց ԿԳՄՍ նախարար Ժաննա Անդրեասյանը։
«Այստեղ մեր հիմնական հարցը պետք է լինի հասկանալ, թե թանգարանների պարագայում ինչպես պետք է վարվել։ Կարծում եմ՝ առնվազն որոշ թանգարանների գործունեության համար որոշ ցուցանիշներ պետք է ունենանք, որովհետև եթե թանգարանային այցելությունները կարողանանք ճիշտ քաղաքականությամբ ավելացնել, կկարողանանք նաև որոշակի աճ գրանցել։
Բայց այստեղ անելիք ունենք. ատեստավորման հնարավորությունը դրել ենք, և կարծում եմ՝ առաջիկայում կհասկանանք այս ոլորտում վարձատրության բարձրացման իրատեսական ձևերը»,- ասաց Ժաննա Անդրեասյանը։
