Ադրբեջանի նախագահ Իլհամ Ալիևը հայտարարել է, թե Ղարաբաղյան երկրորդ պատերազմն անխուսափելի էր Հայաստանի ղեկավարության սադրիչ հայտարարությունների և գործողությունների պատճառով: Այս մասին գրում է Ինտերֆաքսը:
«Այն, ինչ վերջերս տեղի է ունեցել, այդ ամենի համար պատասխանատու է ՀՀ կառավարությունը, որը ձեռնարկել է բազմաթիվ սադրիչ քայլեր, գործողություններ և հրահրել պատերազմը», – ուրբաթ օրը հայտարարել է Ալիևը ՝ Բաքվում Ռումինիայի, Ավստրիայի և Լիտվայի արտգործնախարարների հետ հանդիպման ժամանակ:
Ալիևը հիշեցրել է ՀՀ պաշտպանության նախկին նախարարի հայտարարությունը, թե «Հայաստանը նոր պատերազմի դեպքում, նոր տարածքների կստանա», ինչը, նրա խոսքով, բացահայտ սպառնալիք էր Ադրբեջանի համար:Ալիևը հիշեցրել է նաև Նիկոլ Փաշինյանի հայտարարությունը՝ «Լեռնային Ղարաբաղի ղեկավարությունը պետք է մասնակցի բանակցային գործընթացին»:
«Ըստ էության, սա դեմ էր ոչ միայն մեր շահերին, այլ նաև դեմ էր ԵԱՀԿ Մինսկի խմբի և նրա համանախագահների կողմից մշակված ձևաչափին: Հայաստանի ղեկավարության մեկ այլ սադրիչ հայտարարություն էլ էր արել՝ «Արցախը Հայաստան է, և վերջ»: Սա գրեթե վերջ տվեց ցանկացած բանակցությանը», – ասել է Ալիևը:
Աղբյուր` Փաստինֆո
