Վրաստանը և Հայաստանը վերականգնում են երկաթուղային հաղորդակցությունը, որն ընդհատվել էր կորոնավիրուսային համաճարակի պատճառով, երկուշաբթի կառավարության նիստից հետո կայացած ճեպազրույցում հայտարարել է Վրաստանի էկոնոմիկայի և կայուն զարգացման նախարար Նաթիա Տուրնավան:
«Ես ուզում եմ ասել, որ երկաթուղային հաղորդակցությունը վերականգնված է Հայաստանի և Վրաստանի միջև: Հունիսի 15-ին առաջին գնացքը Երևանից կմեկնի Թբիլիսիով Բաթումի: Սա նշանակում է, որ մեր դաշնակից, հարևան պետությունից զբոսաշրջիկները կգան Վրաստան, մեր սևծովյան հանգստավայրեր, դեպի մեր մայրաքաղաք, այլ զբոսաշրջային ուղղություններ», նրա խոսքերը հաղորդում է ՏԱՍՍ-ը:
