Այս հարձակումները անպատասխան չեն մնա,- հայտարարել է Ադրբեջանի Պն-ն։
«Նախիջևանի վրա հարձակման ժամանակ կիրառված անօդաչու թռչող սարքերի տեխնիկական պարամետրերը, ինչպես նաև այդ հարվածների մանրամասները ներկայումս ուսումնասիրվում են։ Ադրբեջանի պաշտպանության նախարարությունը վճռականորեն դատապարտում է մեր երկրի տարածքում քաղաքացիական ենթակառուցվածքների վրա հարձակումները, որոնք իրականացվել են Իրանի զինված ուժերի կողմից՝ որևէ ռազմական անհրաժեշտության բացակայության պայմաններում։ Տեղի ունեցած միջադեպի պատասխանատվությունն ամբողջությամբ կրում է Իրանի Իսլամական Հանրապետությունը։
Ադրբեջանի պաշտպանության նախարարությունը պատրաստում է անհրաժեշտ պատասխան միջոցներ՝ երկրի տարածքային ամբողջականությունն ու ինքնիշխանությունը պաշտպանելու, ինչպես նաև քաղաքացիական բնակչության և քաղաքացիական ենթակառուցվածքների անվտանգությունն ապահովելու համար։ Այս հարձակումները չեն մնա առանց պատասխանի»,- ասված է Ադրբեջանի ՊՆ հայտարարության մեջ։
Հիշեցնենք, որ Իրանը 3 ԱԹՍ-ներով հարվածել է Նախիջևանի օդանավակայանը։ հարձակման ընթացքում մի ԱԹՍ հարվածել է հիմնական տերմինալին։ 2 ԱԹՍ էլ հարվածել են հենց օդանավակայանի շենքին։
