Հարավային Կովկասում խաղաղության և կայունության հասնելու համար անհրաժեշտ է հարգել նրանց ջանքերը, ովքեր պատրաստել են համապատասխան փաստաթղթերի դրույթները. ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով 2020 թվականի նոյեմբերի 10-ի եռակողմ հայտարարության կետերը մասին ՀՀ վարչապետ Նիկոլ Փաշինյանի վերջին հայտարարությունները։
Նա կոչ է արել Փաշինյանին հարգել Հարավային Կովկասում «իրենց կյանքի գնով խաղաղության համար պայքարողներին»։
«Մարդիկ զոհաբերում են ոչ միայն իրենց ժամանակը, այլև երբեմն իրենց կյանքը՝ իրենց գրածն իրականություն դարձնելու համար։ Ուստի ինձ թվում է, որ փաստաթղթերից մեջբերումներ անելիս հնարավոր չէ այդքան անլուրջ ու անպատասխանատու լինել։
Ամենակարևորն այն է, որ պատասխանատու քաղաքական գործիչները չպետք է անպատասխանատու լինեն պատմական բարդ գործընթացի արդյունքում պատրաստված փաստաթղթերի նկատմամբ»,- ասել է ՌԴ ԱԳՆ ներկայացուցիչը։
