ՌԴ ԱԳՆ պաշտոնական ներկայացուցիչ Մարիա Զախարովան նույնպես անդրադարձել է Զանգեզուրի միջանցքի հետ կապված ՌԴ դեսպանին Իրանի ԱԳՆ կանչելու հարցին։
Այսօրվա ճեպազրույցում նա ասել է, որ իրականում իրավիճակն այլ է։
«Ես տեսա իրանցի պատգամավորների հայտարարությունները, որոնցում նրանք քննադատում էին Զանգեզուրի միջանցքի վերաբերյալ Ռուսաստանի դիրքորոշումը»,- ասել է ՌԴ ԱԳՆ ներկայացուցիչը։
Նա ընդգծել է, որ Իրանում հայտնի թեմայի հետ կապված՝ որոշակի շրջանակներ հակառուսական տեղեկատվական արշավ են իրականացնում, և այդ շրջանակներն օգտագործում են բոլոր հնարավորությունները՝ միջամտելու Մոսկվայի և Թեհրանի միջև ընդլայնվող ռազմավարական գործընկերությանը։
Զախարովան սա սադրանք է անվանել և հայտարարել, որ դրանում Արևմուտքի մատը խառն է. «Որովհետև իրավիճակի նման զարգացումից, տեղեկատվական այս արշավից շահում են միայն արևմուտքցիները»:
