Թուրքիայի Ազգային մեծ ժողովը հայտարարություն է տարածել, որում դատապարտում է Լատվիայի խորհրդարանի կողմից Հայոց ցեղասպանության ճանաչումը:
Հայտարարության մեջ ասվում է, որ ԹԱՄԺ-ն մերժում և դատապարտում է Լատվիայի խորհրդարանի անօրինական, ապօրինի որոշումը 1915 թ. իրադարձությունները ցեղասպանություն որակելու մասին:
«Պատմական իրադարձությունները դատապարտելը և գնահատելը խորհրդարանի պարտականությունը չէ: Այս որոշումն անօրինական է», – ասվում է հայտարարության մեջ:
Հիշեցնենք, որ Լատվիայի խորհրդարանը համապատասխան որոշում կայացրեց 2021 թվականի մայիսի 6-ին: Թուրքիայի գրեթե բոլոր բարձրաստիճան պաշտոնյաները դատապարտեցին Լատվիայի արդար որոշումը։
