Ադրբեջանի իշխանությունները պետական մեդալներ և գերատեսչական կրծքանշաններ են շնորհել Ռուսաստանի արտակարգ իրավիճակների նախարարության մի խումբ մասնագետների, ովքեր մասնակցել են Լեռնային Ղարաբաղի՝ Բաքվի վերահսկողության տակ անցած տարածքների ականազերծմանը: Այս մասին ասված է երեքշաբթի Ադրբեջանի Արտակարգ իրավիճակների նախարարության տարածած հաղորդագրության մեջ:
«Ադրբեջանի ազատագրված տարածքների ականազերծմանը մասնակցած մի խումբ ռուս մասնագետներ պարգևատրվել են «Ռազմական համագործակցության բնագավառում ունեցած վաստակի համար» ԱՀ շքանշանով և հանրապետության արտակարգ իրավիճակների նախարարության կրծքանշանով` «Համագործակցության համար», հայտնել է նախարարությունը։ Մրցանակաբաշխությունն անցկացվել է Աղդամի շրջանում Ադրբեջանի արտակարգ իրավիճակների ղարաբաղյան տարածաշրջանային կենտրոնում, գրում է ՏԱՍՍ-ը:
