«Թուրքիայի ու Հայաստանի, Ադրբեջանի ու Հայաստանի միջև երկխոսությունը շարունակվում է, աշխատանքները շարունակվում են բանակցություններ են ընթանում համապարփակ խաղաղության պայմանագրի կնքման շուրջ»,- Ֆրանսիայի գործընկերոջ՝ Քեթրին Կոլոննայի հետ Անկարայում հանդիպման ժամանակ ասել է Թուրքիայի արտգործնախարար Մևլութ Չավուշօղլուն:
Նա նաև նշել է, որ ղարաբաղյան վերջին պատերազմից ու Ադրբեջանի հաղթանակից հետո Հարավային Կովկասում խաղաղության և կայունության հնարավորություն է ստեղծվել, իսկ դրա համար պետք է բոլորի աջակցությունը։
