Երևան ենք շարժվում, Գյումրրիի քաղաքապետարանն անժամկետ գործադուլ է հայտարարում. դրա իրավունքն ունենք, մեր քաղաքապետին, մեր լիդերին անկարգ ձևով չհասկացանք՝ ինչու են տանում դեպի ձերբակալման, հետո էլ՝ կալանքի։ Լրագրողների հետ զրույցում այս մասին ասաց Գյումրիի փոխքաղաքապետ Ավետիք Առաքելյանը։
«Սա անընդունելի է։ Չհասկացան՝ ի՞նչ է կատարվում, ի՞նչ ռեպրեսիա է։ Ով մեզ դեմ է, ուրեմն մեզ թշնամի՞ է։ Սրբազաններին կալանավորում են, ով մի բառ ասում է, Հայաստանն է ուզում պաշտպանել, խեղաթյուրում են բոլոր խոսքերը։
Քաղաքապետն ասում է՝ միություն կազմեք՝ հզորների հետ միություն, ասում են՝ գուբերնիա եք ուզում դառնալ։ Սուտ են խոսում։ Չեմ հասկանում՝ ինչ գործ են կարել։ 12 տարի հետապնդման է Վարդան Ղուկասյանը ենթարկվել, հիմա էլ նոր գործ են կարել։
Ի՞նչ ձայնագրություն, չեմ հասկանում։ Մի վայրկյան եմ լսել՝ խշ-խշ-խշ։ Մի ձայնագրություն էլ բերեցին Բագրատ սրբազանի համար։ Հետո տեսա՞ք՝ ինչեր եղավ»- ասաց Գյումրիի փոխքաղաքապետը։
Նա միաժամանակ նշեց, որ քաղաքապետարան մուտք գործած իրավապահներն իրենցից բազմապիսի փաստաթղթեր են պահանջել, ինքն ասել է՝ ման գան, գտնեն։
«Քաղաքապետը ձայնագրությունը չի էլ լսել։ Երևան ենք հասնելու, մեր ձայնը բարձրացնենք, պահենք մեր քաղաքապետին։ Հերիք է, ժողովո՛ւրդ, բաստիոնը պահեք, թե չէ կթրքանա»,- ամփոփեց Ավետիս Առաքելյանը։
