«693 միլիոն դրամի մասին է խոսքը և վերաբերում է 6 մարզի՝ Արարատ, Գեղարքունիք, Լոռի, Շիրակ, Սյունիք, Վայոց ձոր։ Ընդհանուր առմամբ պետական սուբսիդարվորմամբ իրականացվել է 15 ծրագիր, իսկ տարեսկզբից մինչ օրս կառավարությունը 303 ծրագրի համար տրամադրել է 8 միլիարդ 758 միլիոն դրամ սուբվենցիաների համար»,- Կառավարության՝ սեպտեմբերի 8-ի նիստին Տարածքային կառավարման և ենթակառուցվածքների նախարար Գնել Սանոսյանը նիստը վարող փոխվարչապետ Համբարձում Մաթևոսյանին խնդրեց հաստատել իրականացված ծրագրերը։
Փոխվարչապետն էլ մանրամասնեց, որ պետական սուբսիդավորմամբ վերոնշյալ մարզերում իրականացվել են արտաքին լուսավորության, փողոցների սալարկման, կառուցապատման, ջրավազանի, քլորակայանի կառուցման, ջրագծերի նորոգման աշխատանքներ։
2023 թվականին կատարվելիք աշխատանքի համար հայտերը ՏԿԵ նախարարությունն այս տարի է ընդունում։ 112 միլիարդ դրամի հայտ է ներկայացվել, թիվը կփոխվի՝ նախագծերը կազմելուն զուգընթաց. նշել է Գնել Սանոսյանը՝ ներկայացնելով սուբվենցիոն ծրագրերի համար պետության կողմից գումար տրամադրելու նախագիծը։
