«Ոչ մեկը մեզ չի ընդունում, ինձ այսօր գիտե՞ք ինչ հարց են տվել՝ ես ուզում եմ հասկանամ ինչի՞ համար եք եկել, այսինքն՝ ո՞նց, ինչի համար եմ եկել, եկել եմ թատրոնի տոմս առնեմ, ինչի՞ համար պիտի գամ էս երեք տարիա: Մարդուն ոչ հարգում են ոչ տեղ են տալիս»,-վրդովված ասաց անհետ կորած զինծառայողներից մեկի ծնողը:
Ծնորղները փակել են Բաղրամյան պողոտան՝ այդկերպ արտահայտելով իրենց բողոքը և փորձելով ուշադրություն հրավիրել իրենց խնդիրների վրա։
«Ոչ հարս ենք եկել ուզենք, ոչ տուն, ոչ ավտո, մեր երեխեքին ենք ուզում: Փաշինյանը կովերին կարողանումա գնա տեսնի, մեզ չի կարողանու՞մ»,- ասել են նրանք:
Քիչ առաջ անհետ կորած զինծառայողների ծնողները բացեցին Բաղրամյան պողոտան, այն բանից հետ երբ Բաղրամյան 26-ից խոստացան 1 շաբաթվա ընթացքում հանդիպում կազմակերպել ծնողների հետ:
Ծնողները հայտարարեցին՝ եթե մեկ շաբաթվա ընթացքում հանդիպում չկազմակերպվի, իրենց պահանջը չկատարվի, իրենք ոչ միայն Բաղրամյանը, ավելի շատ փողոցներ են փակելու։
