ՀՅԴ Արցախի երիտասարդական միության նախաձեռնությամբ այսօր՝ մայսիս 20-ին Ստեփանակերտի Վերածննդի հրապարակում կազմակերպվել է «Ընդդեմ ստվերային համաձայնությունների» խորագրով բողոքի ակցիա:
Ակցիայի մասնակիցներն իրենց աջակցությունն են հայտնել Երևանում իրականացված բողոքի ակցիայի մասնակիցներին և հայտարարել, որ ՀՀ իշխանությունների կողմից իրականացվող քայլերն իրենց հետ բերում են նորանոր աղետալի հետևանքներ ինչպես ՀՀ-ի, այնպես էլ Արցախի համար։
Հանրահավաքի մասնակիցներն անդրադարձել են նաև շրջանառվող փաստաթղթին, որով ՀՀ իշխանությունները նոր դավադրություն են իրագործում հայ ժողովրդի թիկունքում։
ՀՅԴ Արցախի երիտասարդական միությունը հայտարարել է նաև, որ սկիզբ առած պայքարը շարունակական է լինելու:
