«Լուսավոր Հայաստան» կուսակցության պատգամավոր Արկադի Խաչատրյանի` գալիք ընտրություններին չմասնակցելն ու նախընտրական ցուցակում ընդգրկված չլինելն իր որոշման արդյունքն է

«Իմ որոշումը պայմանավորված է օրենսդիր մարմնում իմ գործունեությունը չշարունակելու և ինձ շատ ավելի հոգեհարազատ ֆինանսատնտեսական և ակադեմիական ոլորտ վերադառնալու իմ ցանկությամբ։ Նույնիսկ անկուսակցական լինելով հանդերձ՝ միշտ եղել եմ և կմնամ «Լուսավորչականության» և ազգային միասնականության գաղափարների կրողը»,–գրել է Խաչատրյանը ֆեյսբուքում։

📌Նա վստահություն է հայտնում, որ ՀՀ առջև ներկայումս ծառացած լրջագույն մարտահրավերները, նախևառաջ՝ անվտանգության խնդիրը, հնարավոր է լուծել միայն միասնականությամբ և համախմբմամբ։ Խաչատրյանը նաև կոչ է արել բոլոր քաղաքական ուժերին որևէ պարագայում չգնալ վենդետաների` անկախ ընտրության արդյունքներից։