Ինչո՞ւ Խծաբերդ և Հին Թաղեր գյուղերն անցան Ադրբեջանին. պատասխանում է Բեգլարյանը
Արցախի պետնախարար Արտակ Բեգլարյանը կարծիքով, Հադրութի շրջանի Խծաբերդ և Հին Թաղեր գյուղերը, եռակողմ հայտարարությունից հետո Ադրբեջանի վերահսկողության տակ են անցել երկու տարբերակներից մեկով:
«Ես անձամբ դրա հետ կապված շատ հարցեր ունեմ և որոշ դեպքերում դրանց պատասխանները չունեմ», – ասել է պետնախարարը:
▪️Նրա ներկայացրած առաջին վարկածի համաձայն ՝ գյուղերն անցել են Ադրբեջանի վերահսկողության տակ եռակողմ համաձայնագրի «կողմերի ստորագրած քարտեզներով», որոցով Խծաբերդը և Հին Թաղերը չէին մնում հայկական վերահսկողության տակ։
▪️Երկրորդ վարկածի համաձայն, ադրբեջանական կողմն օգտվել է այդ տարածքում ռուս խաղաղապահների բացակայությունից և շարունակել է մարտական գործողությունները ՝ բռնազավթելով այն պատառիկը, որը մնացել էր, որը կարողացել էինք պահել պատերազմի ժամանակ։
Քաղաքական գործիչը հավելել է, որ չի մասնակցել բանակցություններին և չի կարող կոնկրետ տեղեկատվություն ներկայացնել: Հետևաբար, չի կարող ասել, թե այդ վարկածներից որն է ավելի ճիշտ։
