Իրանի իշխանությունները նախատեսում էին մեծ քանակությամբ կորոնավիրուսային պատվաստանյութեր ստանալ, բայց դա տեղի չունեցավ ԱՄՆ պատժամիջոցների պատճառով: Այս մասին չորեքշաբթի օրը հայտարարել է Իրանի նախագահ Հասան Ռոհանին:
«Եթե չլինեին պատժամիջոցներ, ապա COVAX-ի միջոցով մատակարարումներ կլինեին Էսֆանդ ամսվա ընթացքում (ըստ իրանական օրացույցի, դա համապատասխանում է փետրվարի 19-ից մարտի 20-ին), և այսօր միլիոնավոր մարդիկ պատվաստանյութ կստանային», նախագահի ելույթը հեռարձակել է Իրանի պետական հեռուստատեսությունը:
Ըստ Ռոհանիի, «իրանական կողմը [COVAX-ի միջոցով] համաձայնել էր գնել պատվաստանյութի 16,8 միլիոն չափաբաժին, այնուհետև փորձել էր վճարել, բայց [ԱՄՆ կողմից սահմանված սահմանափակումների պատճառով] չի կարողացել»: «Ես կցանկանայի, որ մեր ժողովուրդը հստակ հասկանար Վաշինգտոնի այս հանցագործությունը», հավելել է Ռուհանին:
