Գերմանիայում ջրհեղեղի զոհերի թիվը հասել է 58-ի, հաղորդել է FOCUS Online-ը՝ վկայակոչելով սեփական հաշվարկները: Կանցլեր Անգելա Մերկելը խոստացել է ֆինանսական օգնություն ցուցաբերել տուժած շրջաններին:
ՏԱՍՍ-ը հաղորդում է, որ Գերմանիայի արևմուտքում 165 հազար մարդ հոսանքազրկված է տեղատարափ անձրևից առաջացած լայնածավալ ջրհեղեղի պատճառով: Ռայնլանդ-Պֆալցի մի քանի հազար բնակիչներ տարհանվել են։
Անձրևները, որոնք երկուշաբթի օրվանից շարունակվում են Գերմանիայի արևմուտքում և հարավ-արևմուտքում, հանգեցրել են ջրհեղեղի: Հռենոսի վտակները, ինչպես նաև փոքր գետերը, հորդառատ անձրևների պատճառով դուրս են եկել ափերից, Հյուսիսային Ռայն-Վեստֆալիան և Ռայնլանդ-Պֆալցը հայտնվել են բնական աղետի հարվածի տակ:
