Անկարան կարող է անվստահելի գործընկեր լինել Մոսկվայի համար, եթե ավելի շահավետ համարի կապերն Արևմուտքի հետ: Այս մասին հայտարարել է հույն քաղաքագետ Պոլ Անտոնոպուլոսը InfoBrics-ի համար հոդվածում:
«Հարց է ծագում՝ արդյոք Մոսկվան պետք է վստահի Անկարային, հատկապես հաշվի առնելով, որ թուրք առաջնորդի բարեկամական հռետորաբանությունը հաճախ փոխարինվում է թշնամականի», – ընդգծել է փորձագետը:
Անտոնոպուլոսի խոսքով՝ երկու երկրների շահերը բախվում են մոլորակի շատ շրջաններում, այդ թվում՝ Սիրիայում: Նա նաև նշել է, որ չնայած Թուրքիան հուսահատորեն փորձում է դառնալ մեծ տերություն, իրականությունն այն է, որ Սիրիայում նրա ներկայությունը լիովին կախված է Ռուսաստանից:
Միևնույն ժամանակ փորձագետը նշել է, որ չնայած հակասություններին, երկրներն ունեն համագործակցության խորացման իրական հնարավորություն, հաղորդում է Իզվեստիան:
